散發古典韻味 細數無綫劇集靚靚妃子

無綫重頭劇《宮心計2深宮計》喺前晚首播,後宮爭寵嘅劇集,一向都有收視保證。計計下無綫都拍過唔少有關宮廷嘅劇集,更有唔少女演員飾演過妃嬪角色,今日我哋就搵嚟多個經典靚妃子,大家又覺得邊個有古典韻味、最省鏡呢?

image

《金枝慾孽》黎姿 飾演華貴人
《金枝慾孽》佘詩曼 飾演淳貴人
《洛神》蔡少芬 飾演甄宓
《洛神》郭羨妮 飾演郭嬛
《無頭東宮》向海嵐 飾演靳妃
《封神榜》溫碧霞 飾演蘇妲己
《天子尋龍》文頌嫻 飾演楊貴妃
《楊貴妃》吳美珩 飾演梅妃
《紫禁驚雷》姚子羚 飾演皇貴妃
《萬凰之王》胡定欣 飾演静妃
《宮心計》楊怡 飾演姚金鈴(麗妃)
《宮心計》李詩嬅 飾演萬寶賢(賢妃)
《刀下留人》康華 飾演萬貞兒
《東西宮略》陳敏之 飾演夏迎春(西宮娘娘)
《末代御醫》朱晨麗 飾演珍妃
《食為奴》李佳芯 飾演麗貴妃

【雙雙vs彩瑤 Round 2】現代鬥到返唐朝 張慧儀羅霖相隔20年再度合作

image

無綫重頭劇《宮心計2深宮計》今晚首播,劇集搵嚟多位一綫小生花旦飾演,更邀請多位久未露面嘅藝人參演,例如康華、張慧儀,羅霖及張文慈等等。當中張慧儀同羅霖自處境劇《真情》後,相隔多年再度合作。劇中二人都係飾演尚宮局內嘅侍婢,張慧儀飾演陸司制負責掌管服裝,而羅霖飾演徐司珍負責掌管珠寶。二人雖然係表姊妹,但同時亦係世仇,喺尚宮局鬥到你死我活。

張慧儀同羅霖20年前喺《真情》中飾演雙雙同彩瑤,為咗爭阿海(黃智賢飾)而鬥生鬥死,搞到當時傳出二人私底下亦不和。而家喺《深宮計》中又要扮演世仇,佢哋由現代鬥到返唐朝,睇嚟呢段恩怨都幾難解決。

image
image
image
image

《宮心計2深宮計》今首播 重溫《宮心計》經典場面

image

09年嘅劇集《宮心計》,口碑及收視強勁,平均收視有35點,最高收視更達到50點。而無綫重頭劇《宮心計2深宮計》將於今晚首播,今次搵嚟胡定欣、劉心悠、馬浚偉、馬國明及蕭正楠等人主演,劇集繼續有大量後宮妃嬪爭寵及勾心鬥角嘅元素,相信會吸引唔少觀眾收睇,不如而家就同大家重溫下《宮心計》嘅經典場口啦!

第1集:江采瓊慘死

image

江采瓊(田蕊妮飾)因失職被打至重傷致死。

第3集:烏龜「糖蓮子」被擲死

image

陪伴光王(陳豪飾)多年嘅烏龜「糖蓮子」被整蠱佢嘅武宗(蕭正楠飾)與王貴妃(葉翠翠飾)擲死,令佢傷心不已,同時亦激發佢爆seed。

第6集:姚金鈴險被縫嘴

image

尚宫局四房婢女長跪郭太后宫外,希望可以同郭太后對話及求情。期間姚金鈴(楊怡飾)講咗一啲說話令郭太后(謝雪心飾)身邊紅人徐媽媽(李麗麗飾)好唔鍾意,仲攞針線縫佢個嘴,好彩光王及時相救。

第7集:幫何采女做首飾,劉三好破解升掌珍

image

何采女(曹敏莉飾)請尚宫局幫忙,希望可以憑服飾吸引武宗嘅注意,可惜被王貴妃故意搶走自用。三好見佢咁可憐就私底下幫佢趕製過另外一支釵。其後,何采女喺御花園碰到武宗,仲被佢頭上嘅釵吸引,冊封做惠妃。而三好更調去司珍房做掌珍。

第10、11集:蕭正楠被殺,李怡登位

image
image

太監馬元贄(李國麟飾)想推舉扮傻嘅光王做皇帝,光王願意同佢合作造反後,馬元贄等人將武宗殺死。武宗死後,李怡正式登位。雖然郭太后喺登基大典期間反對,仲話大唐嘅命脈唔可以交俾一個癡兒,之後李怡就即刻變返正常人,仲將國家大事講得頭頭是道。

第13集:金鈴為三好試針

image

程穎芳(陳琪飾)故意令三好右手受傷不能靈活運用,金鈴見到三好痛苦及傷心,希望李怡可以諗辦法。太醫就話可以試下用針刺穴位,金鈴一口答應為三好親身試針。至於害人嘅程穎芳就被主謀馬元贄毒啞及處死。

第14集:郭太后被馬元贄殺死

image
image

郭太后企圖跳城,之後被鄭太后(韓馬利飾)打入冷宮。馬元贄去到冷宮探望,郭太后係咁鬧佢人閹人,最終喺爭執期間被殺死。

第16集:金鈴封為麗妃

image

金鈴幾經波折,終於喺呢集同萬寶賢(李施嬅飾)一齊封為妃子。

第19集:蔡尚宫離宮

image
image

蔡尚宫一向俾人感覺係才德兼備,最終被姨甥女譚司饍(惠英紅飾)揭發當年陷害阮司設(關菊英飾)及鍾司制(米雪飾),令佢原本完美嘅風光離宮計劃泡湯。好彩三好代表三司為佢求情,鄭太后允許佢以百姓身分回鄉養病。

第20集:麗妃流產

image
image
image

麗妃失足撞向檯角,太醫證實流產。其後麗妃發現萬夫人(林漪娸飾)去咗道觀請人施巫術,意圖令麗妃冇咗個BB。雖然萬夫人嘅行為已經被賢妃阻止,並將布公仔燒毀。麗妃誣陷萬夫人,經搜查房間後,布公仔竟然喺萬夫人嘅床下底揾到,最終被判绞刑。

第22、23集:布公公被掟死

image
image

布公公(蔣志光飾)無意間知道麗妃流產唔關萬夫人事,最終被麗妃用石頭掟死。

第30集:萬將軍全身癱瘓

image

心狠手辣嘅馬元贄收買萬將軍(張國強飾)嘅手下,向佢賜毒酒,雖然毒酒不足以致命,但佢令佢全身癱瘓同埋唔可以講嘢,只可以透過轉動眼睛同人溝通。

第31集:賢妃被迫飲滑胎藥致死

image
image

金鈴一直妒忌懷有龍種嘅賢妃,喺佢懷孕期間一直扮好人。金鈴借太子嘅時候,就係馬元贄造反殺皇帝嘅日子,鄭太后聽到好驚,金鈴煽動佢下旨要賢妃滑胎。金鈴奸計得逞,得到鄭太后同意,名正言順迫賢妃飲藥滑胎,最終一屍兩命。

第31集:三好冊封為德妃

image

三好懷有高顯揚(鄭嘉穎飾)嘅骨肉,被馬元贄發現及當中揭發。三好承認懷孕,李怡為咗保護佢已冊封佢為德妃,救返佢一命,三好感激不已。

第33集:三好離宮與顯揚重逢

image

李怡承諾俾三好出宮生活,三好帶埋個女返揚州,並與逐漸恢復記憶嘅顯揚重逢。

KOL真係咁好搵?麥明詩自爆一個post值幾錢

image

無綫節目《#後生仔傾吓偈》除咗話題貼地之外,兩位主持麥明詩和馮盈盈嘅說話都好有話題性,所有節目成功吸引唔少觀眾收睇。最新一集以「筍工」為主題,麥明詩自爆自己IG一個post賺幾多錢,估唔到佢哋為咗呢個節目都去到咁盡喎~

節目開頭就有一班大專生KOL講吓自己做過/聽過,又或者認為邊份工係筍工。之後佢哋就講到唔少年青人認為KOL係筍工,麥明詩就話KOL其實冇大家想像中咁好,因為競爭大同埋賺錢之前你要出好多冇錢嘅post。之後佢仲話share一啲嘢就有5位數字一個post,隔離大專生Kelvin即係話佢得3位數字,連馮盈盈都忍唔住問佢做咩連呢啲商業秘密都講埋出嚟。

嘩!原來Share一個po就有5位數字,怪不得人人要爭住做KOL喇!

image
image
image
image
image
image
image
image
image
image

【又唔咗樣嘅】Cammi又換畫 傳新歡係賭廳話事人

image

當年只得16歲被指撞樣「NelNel」嘅謝芷蕙(Cammi),因網上流出與陳冠希嘅親密照而一啜成名。 呢幾年Cammi唔止個樣更新速度快,換男朋友速度亦都唔弱,仲要一個比一個有錢。佢同陳冠希分開之後,有傳搭上王浩信,直到14年同國內富二代B先生撻著,同男朋友住係廣州近三千呎獨立屋, 開始過著悠哉游哉嘅闊太式生活。有指本來到咗談婚論嫁嘅階段,雙方家長已經見過面,但唔知咩原因臨門撻Q,同B先生結束四年情。Cammi回應話因為性格不合,大家已經分開咗一段時間,大家係和平分手。

image

最近有傳Cammi搵咗個更有錢嘅男朋友,係一個年約四十歲喺澳門有賭廳嘅上海人,所以佢經常要澳門及上海兩邊走。 只得23歲嘅Cammi搵到個水源充足嘅碼頭,已經唔使做咁,可以日日同朋友high tea,有時間就坐遊艇出海。有指連住公屋嘅父母都母憑女貴,過住有錢人嘅生活。

但話事話,佢家下個樣已經進化到第幾代呢?

image
image
image
image

【傻傻分不清楚】內地再次翻拍《倚天屠龍記》周芷若同趙敏係同一人?

image

金庸名著武俠小說《倚天屠龍記》翻拍過無數次電影及電視劇版本,近日《倚天屠龍記》劇組公開劇照,有趙敏、周芷若、小昭角色出面曝光。位位主角都係高顏值,「滅絕師太」就由當年被封為「最美周芷若」嘅周海媚飾演。

image

不過有眼利網民發現新版周芷若同趙敏好似樣,更有人懷疑係一人分析兩角。但其實飾演周芷若嘅係26歲嘅祝緒丹,佢喺電視劇《三生三世十里桃花》,飾演白淺嘅表親玄女。而飾演趙敏嘅就係只有20歲嘅陳鈺琪,演出作品唔算多。

周芷若(祝緒丹飾演) :

image

趙敏(陳鈺琪飾演): 

image

有網民睇完劇照後都覺得佢地太似樣,更留言「明明同一個人嚟。」、「如果無介紹, 就咁睇圖, 真係唔知係兩個人。」、「佢地一樣樣,所以無忌哥哥咪揀唔落手囉,一樣嘅,點揀呀?」當然亦有網民話「懷念當年周海媚飾演既周芷若。」

【期待ing】有傳無綫食住個勢搵周奕瑋拍攝《周遊台北》

image

自從周奕瑋(Jarvis)主持嘅無綫旅遊節目《周遊東京》播出後,佢介紹嘅景點、餐廳都好貼地又實用,而且佢講得一口流利日語,令佢成為新一代日本達人。唔少觀眾都覺得Jarvis幾有新鮮感、主持得好好、同埋好鍾意佢同日本當地人嘅交流活動。節目除咗令佢人氣急升之外,無綫仲同佢簽咗經理人合約,正式成為「親生仔」。

image

最近有傳無綫食住個勢搵Jarvis拍攝《周遊台北》,介紹香港人最鍾意嘅台灣,向觀眾推薦台北食買玩嘅地方。其實香港人去台北已經去到超級熟,要搵到新景點,而且香港人唔識嘅有一定難度。

image

唔知Jarvis會唔會好似上次《周遊東京》咁揾到啲貼地、平玩、平食推介俾觀眾呢? 

傳陳山聰明年與女友Apple拉埋天窗

image

當年因為陳山聰同賭王何鴻燊千金何超雲嘅戀情,搞到形象破產,更被網民封為「世紀賤男」。不過二人分手後,陳山聰工又冇,女朋友又走埋,頓成變成「 四失聰」。陳山聰惟有操Fit自己,返無綫拍劇重新嚟過。於2014年陳山聰同現任女友Apple撻著,Apple唔介意山聰嘅過去,仲一直陪山聰經過人生低潮時,對佢不離不棄,喺背後密密支持佢。

image

經過幾年努力,陳山聰喺上年憑《同盟》嘅Kent一角喺台慶拎到最佳男配角,佢致詞時特別多謝女友,好明顯向全香港人承認Apple嘅地位。其實Apple一早已融入山聰屋企,並見過晒佢啲屋企人,同山聰阿哥阿嫂關係十分好。有消息指山聰決定明年同Apple拉埋天窗,由於女朋友係圈外人比較低調,所以佢地會旅行結婚。

image
image

如果係真嘅話,真係恭喜晒佢哋啦!

不得不佩服網民創意 港版「復仇者」邊個最適合?

image

超級英雄電影《復仇者聯盟3 無限之戰》自上月尾上映已經捲起熱話,網上亦愈嚟愈多人討論。早前韓國網民整咗個韓版「復仇者」,香港網民亦不甘示弱,改圖嚟整個港版「復仇者」,大家又滿唔滿意以下嘅人選呢?

1. 郭偉亮飾演鐵甲奇俠

image

有「港版羅拔唐尼」之稱嘅郭偉亮(Eric Kwok),幾年前扮「Iron Man」拍廣告而人氣急升,搵佢嚟飾演應該冇人會反對。

2. 徐錦江飾演雷神

image

當中梗係有同雷神撞樣嘅徐錦江啦,網友曾經將徐錦江個樣P上雷神劇照,完全無違和感。

3. 朱茵飾演黑寡婦

image

性感嘅黑寡婦由香港性感女神朱茵飾演,當然最適合不過啦!

4. 羅莽飾演變形俠醫

image

當感到憤怒時,變形俠醫會變成具有無窮力量嘅綠色巨人。羅莽身形一樣大大嚿,同變形俠醫有幾分相似。

5.吳彥祖飾演美國隊長

image

又高又靚仔嘅吳彥祖最啱做美國隊長。

7.家燕姐飾演幻視

image

網民一見到對薛家燕額前的大痣,就立刻聯想到幻視額前的心靈寶石,不過家燕姐已經化身做「十字步女俠」啦喎~

image

8.陳豪飾演黑豹

image

網民見到劇集《天與地》中嘅劇照,令人聯想到黑豹。P圖後,兩者更加似。

9.彭于晏飾演StarLord 

image

有網民覺得彭于晏飾演StarLord ,不過亦有人覺得佢太靚仔,無starlord嗰陣麻甩味。

10.  簡慕華飾演Gamora

image

星際異攻隊隊員兼Thanos嘅養女Gamora,經網民改圖後由簡慕華飾演,真係幾適合喎~

除咗以上人選,大家覺得邊位香港演員適合演港版《復仇者聯盟》呢?

圖:LIHKG 討論區

【布景板連佢個樣都冇】《宮心計2》記者會周秀娜突然「被消失」

image

無綫重頭劇《宮心計2深宮計》將於下周一(21日)播放,話得重頭劇,除咗有胡定欣、蕭正楠、馬國明及馬浚偉之外,仲邀請好耐無拍劇嘅羅霖、張慧儀及張文慈。另外,無綫仲重金禮聘周秀娜(娜姐)與劉心悠參與演出,真係陣容鼎盛。不過劇集未出街已經有負面新聞,好似上年傳出監製特別優待周秀娜及劉心悠,為遷就佢哋個擋期,搞到其他演員連踩廿幾個鐘,連馬明都自爆曾經連踩27個半鐘。

image

首次拍攝古裝劇嘅娜姐,對觀眾嚟講應該幾有新鮮感,非常令人期待。不過噚日(15日)無綫舉行記者會,大部分主角及其他演員都盛裝出席。但蕭定一旗下藝人周秀娜就冇現身,就連布景板上都冇佢個樣。

image

對於周秀娜突然「被消失」一事,大家都認為同無綫和蕭定一公司單官司糾紛有關,而總監製梅小青開頭就話留返俾公司回答,始終涉及商業,但之後佢承認有一定影響。不過佢就強調冇Cut到娜姐嘅戲份,仲話大家合作得好開心,而且周秀娜都會利用其他社交平台幫手宣傳劇集。

image
image