港女講日:Text都要有技巧 教你3種回訊息小心機

喺呢個通訊發達嘅年代,想戀情順利發展,傳簡訊係一件超重要嘅事。先唔講訊息內容,單係回訊息嘅速度,已經唔係一件容易掌握嘅事。

最近日本電視節目《Tokio Kakeru》搵來男神山崎賢人做嘉賓,向女生分享男人內心話。其中有位19歲女學生問:「回男朋友簡訊之後,佢好耐都冇覆,到佢回覆我之後,應否秒覆呢?」女生擔心如果秒覆,會唔會令對方覺得自己好煩?又會唔會覺得我係有個好得閒無所事事嘅人呢?

呢個時候山崎表示「我會秒覆對方,亦希望對方都咁樣做」,仲話其實自己想幾時覆就覆,唔駛諗咁多。男人呢方面的確係比女人瀟灑得多!

「回訊息速度」可以唔理,但「內容」就一定要理,因為絕對會影響對方對你嘅印象!以下3個小技巧要熟讀:

1.讚美對方

男人自尊心強,讚美嘅說話多講無妨,不過唔好讚得太hea就咁「好叻」、「好型」,而係要具體啲,好似「之前見你打波時,真係型到震!」、「每次同你傾計,你都會望住對方對眼,我覺得好好」等等。

2.坦率表達心情

當對方請食飯/約會後送你返屋企,講「多謝」係基本禮貌,但會同對方表示「好開心」嘅女生就好少。不如試吓下次回佢「今日可以同你咩都傾一餐,真係好開心」、「可以一齊食好西真係太幸福喇」等等,直接向對方表達你好享受同佢喺埋一齊,唔好咁怕醜!

3.配合對方模式

每個人嘅訊息長度、寫訊息模式都唔一樣。有啲人只會講重點,亦有人會好似寫交換日記一樣咁長篇。與男生開始互傳短訊時,首先要先觀察佢比較喜好邊種模式嘅訊息,適當地配合對方簡訊長度,再配合emoji,增加彼此親近感。

圖片來源:ig@kentooyamazaki

港女講日:Text都要有技巧 教你3種回訊息小心機

喺呢個通訊發達嘅年代,想戀情順利發展,傳簡訊係一件超重要嘅事。先唔講訊息內容,單係回訊息嘅速度,已經唔係一件容易掌握嘅事。

最近日本電視節目《Tokio Kakeru》搵來男神山崎賢人做嘉賓,向女生分享男人內心話。其中有位19歲女學生問:「回男朋友簡訊之後,佢好耐都冇覆,到佢回覆我之後,應否秒覆呢?」女生擔心如果秒覆,會唔會令對方覺得自己好煩?又會唔會覺得我係有個好得閒無所事事嘅人呢?

呢個時候山崎表示「我會秒覆對方,亦希望對方都咁樣做」,仲話其實自己想幾時覆就覆,唔駛諗咁多。男人呢方面的確係比女人瀟灑得多!

「回訊息速度」可以唔理,但「內容」就一定要理,因為絕對會影響對方對你嘅印象!以下3個小技巧要熟讀:

1.讚美對方

男人自尊心強,讚美嘅說話多講無妨,不過唔好讚得太hea就咁「好叻」、「好型」,而係要具體啲,好似「之前見你打波時,真係型到震!」、「每次同你傾計,你都會望住對方對眼,我覺得好好」等等。

2.坦率表達心情

當對方請食飯/約會後送你返屋企,講「多謝」係基本禮貌,但會同對方表示「好開心」嘅女生就好少。不如試吓下次回佢「今日可以同你咩都傾一餐,真係好開心」、「可以一齊食好西真係太幸福喇」等等,直接向對方表達你好享受同佢喺埋一齊,唔好咁怕醜!

3.配合對方模式

每個人嘅訊息長度、寫訊息模式都唔一樣。有啲人只會講重點,亦有人會好似寫交換日記一樣咁長篇。與男生開始互傳短訊時,首先要先觀察佢比較喜好邊種模式嘅訊息,適當地配合對方簡訊長度,再配合emoji,增加彼此親近感。

圖片來源:ig@kentooyamazaki

港女講日:22歲日女想嫁70歲男友 爸爸哽咽反對搞喊眾人

早幾日鄭嘉穎陳凱琳大婚,相距22年之戀終於開花結果,可見愛情無分年齡。相差22年嘅父女戀你接受到,咁相差48年嘅爺孫戀呢?又係咪咁易被世人接受?

日本綜藝節目《人類觀察》早前進行一個實驗,要一名22歲女生奈奈帶70歲假男友返屋企見家長,觀察父母反應。鏡頭影住爸爸滿心歡喜,點知行入嚟嘅係一位行得好慢嘅禿頭阿爺!

事前已知真相嘅媽媽好快已經忍唔住笑,雙手掩面離開現場,可憐嘅爸爸咩都唔知,得個呆字,不過爸爸都保持形象,好努力咁聽佢哋老吹喺酒吧飲嘢識嘅「相戀經過」…爸爸聽到對方竟然已經70歲,仲大過自己16歲,比奈奈大48歲時,直頭嚇到傻咗咁滯…

為加強戲劇效果,節目仲安排奈奈提「阿爺男友」夠鐘食藥,令爸爸擔心佢有咩重病,當阿爺解釋只係生髮藥,爸爸即刻如釋重負,全家一齊爆笑,氣氛輕鬆不少。

跟住到戲肉啦,爸爸好認真問「你哋仲未考慮結婚…唔會考慮架可?」似乎好擔心有個大個自己嘅女婿,點知阿爺即刻打蛇隨棍上,問爸爸可唔可以答應佢哋婚事,爸爸呢個moment忍唔住要爆喇,「作為奈奈嘅爸爸,我嘅答案係N0」。

爸爸語重心長解釋,因為奈奈而家後生想結婚,但「你可以背負奈奈嘅人生嗎?」爸爸認為婚後唔可以與另一半一齊變老、生兒育女,咁嘅婚姻佢唔同意。仲眼濕濕咁講:「所謂夫妻係要互相幫忙,就算幾窮都要互相扶持,一齊生活落去。」

呢番說話被網友齊聲叫好,仲大讚「爸爸就係永遠希望個女幸福,希望佢得到最好」、「爸爸太溫柔,媽媽嫁畀佢真係好幸福」、「爆笑之後就爆喊,好感動」….估唔到睇搞笑綜藝節目都會睇到喊,仲可以悟出結婚真諦!

圖片來源:《ニンゲン観察!モニタリング》

港女講日:手機放枱面?3個小舉動睇女仔對你有無興趣

女人心海底針,冇咩戀愛經驗嘅男人想摸清女人心理,不妨睇睇日本AbemaTV節目《DTテレビ》(處男電視)!

節目每集都會邀請唔同女性上節目解說女人嘅想法,其中一集有港男非常熟悉嘅AV女優三上悠亞,仲教處男秒讀女人心!講到有關女生在聯誼約會時幾個小舉動,天真男可能會誤以為得米,其實係相反!

1.將手機擺喺檯

好多處男以為女生對佢哋有意,擺手機檯想錄音或者暗示交換聯絡方法,不過三上悠亞解釋,呢個行為代表女生對同你約會冇興趣,如果女生好投入,係唔會想拎手機出嚟。

2.點低酒精濃度飲料

處男認為女生揀易入口嘅酒係想保持清醒,向異性表現可愛一面。錯!三上表示,係就係想保持清醒,但唔係對你有興趣,正正係相反,對你冇feel先唔想飲醉!三上仲話如果面對心儀男性,一開始就點Tequila啦!

3.拎手袋去廁所

有啲處男終於肯面對現實,認為女生係想由廁所窗口走人;亦有發緊夢嘅男生以為對方去換性感內衣!三上解釋女生只係唔想坐返本來位置,如果女生對身旁男生冇興趣,又唔好意思開口講換位,就會拎埋手袋去廁所,再自自然然走返出來換位。

圖片來源:ig@yua_mikami

港女講日:只准攬同錫!日本興有「第二伴侶」Second Partner!?

日本今期流行咩?咪就係識SP!唔係Sex Partner而係Second partner(第二伴侶)!

日本綜藝節目「女が女に怒る夜」(女人為女人而生氣嘅晚上),講到已婚一族最近流行參加「既婚者合コン」(已婚者聯誼)活動,參加者都係因為寂寞而想搵「友達以上、外遇未滿」嘅第二伴侶!聯誼活動中,人夫人妻可以錫錫同抱抱,但就禁止有進一步行為,原因係保障參加者如果之後要離婚,可以避免陷入「外遇」嘅定義,唔駛賠錢!

唔只現場嘉賓好驚訝有呢種聯誼,節目出街後更受到好多網民批評,形容已婚者聯誼「根本就係一群出軌嘅人,宣告自己偷緊食」,又指活動將出軌行為正當化,直斥「伴侶滿足唔到自己就離婚啦,結婚嚟為咩…」等等。

無論平時關係有幾穩定有幾sweet,做女人都要不時提高警覺!對另一半有懷疑?不妨留意以下5個「偷食」嘅蛛絲馬跡,及早提防或者仲有彎轉。

1.成日話攰

出軌會令生活變得「忙碌」,放工唔會第一時間返屋企,有時好夜先返晚扮O完T好攰;床上表現唔再積極,瞓覺就真係瞓覺,冇意欲同你有親密活動。

2.冷淡

唔再好似以前好親暱咁叫你BB或豬豬,講電話feel到佢好想快啲收線;重要日子例如你生日、紀念日等都可以唔記得。

3.唔耐煩

好易就大發脾氣,表現出唔耐煩嘅樣。從前明明鍾意你對佢撒嬌有點小野蠻,而家只會覺得你有公主病、無理取鬧。

4.挑剔

明明平時連你換咗髮型都唔留意,而家會挑剔你衣著品味、化妝打扮,因為佢將你同仍個偷食對象做比較!同時佢亦對自己外表越來越有要求,會打扮,買靚衫!

5.可疑來電

經常有電話打來,佢會自己行開講電話。Check佢電話時,一係發現來電記錄時不時被全部刪除,一係見到來電記錄出現平日佢冇提過嘅名,而且日日都有通話記錄,如果係男人名,一定係用假名來掩飾自己出軌。

圖片來源:http://xn–h1s31yt7u.xn–tckwe/

港女講日:結婚前三思!奉子成婚或閃婚為離婚主因

奉子成婚已經係一件見怪不怪嘅事,不過早前有調查發現奉子成婚及閃婚嘅夫婦較容易離婚!

日本女性雜誌《MORE》早前向曾經離婚嘅女性進行訪問,發現最多人係因為有咗而結婚,「仔女」係離婚主要原因!另外,調查亦發現閃婚嘅離婚率一樣高,究竟係咩原因,令到奉子成婚及閃婚咁易離婚?

1.激情

好多年輕人將愛情視為激情,但係激情多係肉體關係、短暫嘅愛,而婚姻則係重視心靈、神聖而長久。當激情嘅關係平淡落嚟,話就話愛可以包容一切,但當大家根本未深入認識伴侶,包括雙方家庭背景、性格喜好、價值觀等有差異時,好容易會產生爭執,傷害感情,令婚後生活唔和諧。

2.心智唔成熟

奉子成婚突顯雙方缺乏自我管理嘅能力,因為大家關係只存在激情,冇諗過要承擔責任,就如上文雜誌嘅調查,大部分女生係喺冇心理準備下就做人老婆同埋媽媽,難聽啲講句,腦囟都未生埋就話生仔…婚前對婚姻期望過高,當生活未如想像般美好,就會將怨恨及計較等積埋積埋,總有一日要爆,婚姻註定玩完。

當然,唔係話奉子成婚、閃婚就必定會離婚,但結婚之前真係好需要諗清諗楚,人哋話生仔要考牌,其實結婚都應該要考牌,話結就結話離就離,價值觀錯哂!

圖片來源:日劇Woman截圖

港女講日:女神始於係配型男!日本藝能界6月有重量級婚訊!

6月都過咗幾日, 根據日本<<週刊女性PRIME>>報導,日本藝能界有3 pairs顏值爆登嘅戀人傳出將會6月拉埋天窗,分別係桐谷美玲及三浦翔平、倉科加奈及竹野內豐,還有鈴木京香及長谷川博己!全部都係男神女神級數,睇嚟會有唔少粉絲因「失戀」而深受打撃…

1.桐谷美玲&三浦翔平

兩人因拍日劇《我有喜歡的人》而日久生情,舊年被爆地下情即傳出婚訊,嚇親三浦唔少妹妹仔粉絲,有指桐谷美玲一直希望可以30歲前結婚,今年桐谷工作量明顯減少,另有傳佢已經未婚懷孕,將會奉子成婚,等三浦翔平6月3日滿30歲之後就會結婚。

2.倉科加奈&竹野內豐

現年30歲嘅倉科加奈,與47歲型男竹野內豐自從2014年10月交往以來,幾乎每年都會見到關於兩人快要結婚嘅報導,不過過咗咁耐都係得個講字,近日又再傳出兩人結婚消息,指呢段相差17年嘅地下情將會喺6月開花結果。據報道,兩人自拍劇撻着後已發展三年半,女方已搬入男方豪宅半同居,極有可能6月22日註冊結婚。

3.鈴木京香&長谷川博己

年齡相差9歲嘅長谷川與鈴木,2010年合作日劇後譜出一段姊弟戀,多年來感情屢傳反覆,不過近年感情穩定,已踏入半同居狀態,加上有指京香希望50歲前結婚,男方為完成女友心願,已向佢求婚,亦有傳經已秘密註冊,不過結婚儀式只招待親友,唔會搞婚宴,亦唔會向傳媒公布婚訊。

其實偶像都係人,始終都會有結婚生仔嘅一日,粉絲都係睇開啲吧啦!唔知出呢篇文之前,會唔會已經有一對率先跑出宣佈喜訊,趕做6月新娘呢?

圖片來源:http://www.jprime.jp

港女講日:「事業線」大調查!O型血天秤男最愛女生作露骨打扮

呢排日日都熱到出汁,企喺出面唔夠10秒已經大汗淋漓。不過對男人嚟講,熱都唔係無好處,最開心莫過於見住街上女生著住小背心輕露事業線,眼睛大吃冰淇淋!

雖然男人係視覺動物,但日本網上媒體《しらべぇ》最近做咗一個關於乳溝嘅調查,統計600多位20-60年歲受訪男性「對乳溝嘅興奮度」,發現竟然有4成男人討厭乳溝!比起直接露出事業線,佢哋覺得「若隱若現」仲性感,著得太暴露會令人覺得個女仔刻意show off、係一個開放隨便、唔gfable嘅人。

總結各個年齡層,最鍾意望乳溝嘅係60代(73.5%),其次係50代(65.5%)、40代(60.7%)、30代(57.9%),反而對暴露打扮最冇feel嘅係20代年青人(39.1%)!乜而家啲後生仔咁心如止水架咩?

訪問亦歸納出鍾意望乳溝嘅男性特徵,唔知有冇男生躺著也中槍?

血型:O型(62.4%)

職業:公務員(73%)

愛用嘅社交媒體:Instagram(77.5%)

星座:天秤座(70.7%)

其他習慣:訂閱報章(70%)

圖片來源:ig@sakuramanatee

港女講日:女友嬲嬲豬點算好?學識日男「5大道歉法」實搞掂

「對唔住」三隻字明明好簡單,但又好難開口,不過現代人用即時通訊軟體多過講電話,有咩事send句message就搞掂。最近有位女網友於日本匿名討論區5 Channel留言,表示好憎人道歉時打「…」,覺得打「對唔住」就夠,「對唔住…」就做多咗,好假!

有少部分網友力撐樓主,覺得打「…」係唔尊重、無誠意嘅表現,好似做戲咁唔得真心,但亦都有好多網友串樓主小題大造,明明只係個人習慣問題,都要被人公審!

公道講句,其實有冇打「…」,用簡訊道歉本身都已經好冇誠意啦,當激嬲另一半時,不如試試以下?招「誠懇」道歉法:

1.誠懇語氣

講完「對唔住」後應該具體說明道歉理由,令對方知道你已經意識到自己嘅行為或言語已經對佢造成傷害。

2.望住雙眼

建議道歉時望實住對方雙眼,令對方感受到你係超有誠意。如果講對唔住時神冷漠又或者傻笑,只會令對方覺得你口是心非,無心認錯。

3.肢體接觸

當對方準備接受道歉時,要加埋「肢體攻勢」,表現出「我真係好care你」嘅意境,不過切記唔好使用帶有性意識嘅肢體動作。

4.寫紙仔

Text人道歉叫hea,親筆寫字條表達歉意,就叫有誠意。記住唔駛試圖解釋點解會發生咁樣嘅事,只會令對方覺得你唔係真心知錯。

5.伴隨服務

女友曾對你要求某事,但你一再拖延做唔到?此時正係大好機會,道歉時順便完成某事,唔一定可以「完全彌補」你所做嘅錯事,但起碼幫自己加分。

圖片來源:「ごめん、愛してる」劇照

港女講日:分手救星!日本公司推200萬「復合服務」!

一對情侶分手後,「被分手」嘅一方,往往會用盡千方百計要求復合,但係好多人以為死纏難打就可以箍煲,點知弄巧反拙,令對方覺得你更加討厭!

日前,日本節目「東京らふストーリー」播出關於一間日本公司推出專門幫委托人復合嘅「復緣」服務,仲話成功率高達8成,一齊睇睇服務內容有咩必勝絕招!

個案由委託到復合成功需時大概2至3個月,首先負責人會了解委托人分手原因,再評估復合成功率,之後會要求委托人暫時唔好與對方聯絡。呢段時期公司會派人跟蹤客人前度,了解對方生活模式及喜好,再派同性別嘅職員接觸對方。

當「臥底」職員成功與前度成爲朋友,就會開始「套料」,了解兩人分手原因、對委托人嘅睇法等,又會叫客人發「指定内容」嘅訊息畀前度觀察對方有咩反應。公司更會安排偶遇,職員會表現到對客人有意思令前度妒忌,甚至會安排「四人聯誼會」,「臥底」職員及另一位公司職員會製造機會及氣氛,令客人及前度可以好好溝通。

聯誼會後,大部份前度都會開始主動聯絡委托人,最終選擇復合,不過呢個「復緣」服務收費都算天價,經費約80-120萬円、成功報酬約50-100萬円,隨時超過200萬円(約$14萬港幣),又真係唔係人人負擔得起,況且如果前度知道所有嘢都係一個「騙局」,會唔會激到再一次分手呢?

圖片來源:www.pakutaso.com